Kona Aloha

Author: 
Nalukea Cole-Conner

 

Photo: Kīhei de Silva

Polihale, Kaua'i

Photo: Na Kīhei de Silva

Keahualaka, Kaua'i

Welawela ke kai o ka moa.
Hot is the broth of the chicken.
Said of a person who is potent in love. He is like hot chicken broth – very tasty, but not to be gulped too quickly. There is always a desire for more.
-- Mary Kawena Pukui, 'Ōlelo No'eau, 2931.

Pili kau, pili ho'oilo.
Together in the dry season, together in the wet season.
Said of loving companionship.
-- 'Ōlelo No'eau, 2649.

Hiu a wela, lawe a lilo!
Strike while hot, and take it away!
Make passionate love and take possession. Win the game and take the prize.
-- 'Ōlelo No'eau, 1012.

He kēhau ho'oma'ema'e ke aloha.
Love is like cleansing dew.
Love removes hurt.
-- 'Ōlelo No'eau, 683.

Pū‘olo waimaka a ke aloha.
Tears [are] bundles of love.
Love brings tears to the eyes.
-- 'Ōlelo No'eau, 2750.

Ka nīoi aki ia e welawela ai ko nuku.
That is the chili pepper that will burn our lips.
Said of one whose lovemaking is like the fiery taste of peppers. It’s long remembered.
-- 'Ōlelo No'eau, 1500.

‘O ka mea ua hala, ua hala ia.
What is gone is gone.
There is no use in recalling hurts of the past.
-- 'Ōlelo No'eau, 2428.

I nanea nō ka holo o ka wa'a i ke akamai o ke kū hoe.
One can enjoy a canoe ride when the paddler is skilled.
A sexual union is successful when the man knows how it is done.
-- 'Ōlelo No'eau, 1240.

He 'ai kuli ke aloha mai nā kūpuna mai.
Love has had a deaf way of its own since the days of the ancestors.
A person who is very much in love often does not heed counsel.
-- 'Ōlelo No'eau, 517.

Wae aku i ka lani.
Let the selecting be done in heaven.
Take life as it comes.
-- 'Ōlelo No'eau, 517.

 

I kekahi manawa, i ka mokupuni u‘i loa ‘o Kaua‘i, ua loa‘a ‘elua kānaka i ke aloha. ‘O Keoni lāua ‘o Nalukea ko lāua mau inoa. ‘A‘ole lāua e ‘imi ana i ke aloha. He mau hoaaloha lāua ma mua, he mau ipo lāua ma hope. ‘Ano kalakala ko lāua pili mua ‘ana. Nui ko lāua mau hukihuki. Luhi loa lāua i ka hukihuki ‘ana. Akā, ‘a‘ole i hiki iā lāua ke ha‘alele, no ka mea ikaika ko lāua aloha. I kekahi lā, he hukihuki nui ko lāua.

He moe'uhane ko Nalukea i kēlā pō. Ka'ahele 'o ia i Polihale e no'ono'o. Nanea nō 'o ia i ko Polihale maluhia. Ua nānā 'ia ka moa uā e ia. Maopopo ka 'ōlelo moa iā ia. No laila, ha'i aku 'o ia i ka moa i kona kūlana pōpilikia. 'O kā ka moa ha'ina, "Welawela ke kai o ka moa" ('Ōlelo No'eau, 2931).

I kona moe'uhane, hoe aku 'o ia i ka wa'a i ke kahakai 'o Miloli'i. Hiki iā ia ke hoe me ka 'āwīwī. Ua nānā 'ia ka honu ho'ālohaloha e holo ana i loko o ke kai e ia. Ua hiki iā Nalukea ke 'au'au me ka honu, no ka mea, he mau hoaaloha lāua. Maopopo ka 'ōlelo honu iā Nalukea. No laila, ha'i aku 'o ia i ka honu i kona ola aloha. 'O kā ka honu ha'ina, "Pili kau, pili ho'oilo" ('Ōlelo No'eau, 2649).

Ua loa'a iā ia nā 'opihi nui i luna o nā pōhaku 'ele'ele. He mea 'ai ma'a mau kēia ma Kaua'i. Ua 'ai 'o ia i ka 'aina awakea me ka honu i kahakai. 'Oi aku ka 'opihi kuke 'ia ma mua o ka 'opihi maka. 'A'ohe koiū a Nalukea no nā 'opihi. Auē!

Ma hope, hoe aku 'o ia i ka wa'a i Nu'alolo Kai. 'O Nu'alolo kona wahi punahele. 'Ike 'o ia i ko Nu'alolo kai nani. Hau'oli loa 'o Nalukea i ka ho'omana'o 'ana i ke kahua o kona aloha. Ua kipa 'ia 'o ia e ko Nu'alolo manō. Inu pū iho lāua i ka 'awa. Maopopo ka 'ōlelo manō iā Nalukea. No laila, ha'i aku 'o ia i ka manō makewai i kona kūlana pōpilikia. 'O kā ka manō ha'ina, "Hiu a wela, lawe a lilo" ('Ōlelo No'eau, 1012).

Lohe koke 'o Nalukea i ka leo o ka pahu hula, akā na'e, 'a'ole 'o ia i 'ike i ka pahu, 'a'ole 'o ia i 'ike i ke kanaka. No laila, ua hele wāwae 'o ia i ke ala 'ololī. Aia ke ala 'ololī ma waena o ke kai a me nā kuahiwi. Ua maopopo ka leo iā ia, 'o ia kāna kumu hula. Nani nō ka leo o kēlā pahu; a u'i nō ho'i ka leo oli o kāna kumu. Ua hiki iā Nalukea ke lohe, "He kēhau ho'oma'ema'e ke aloha," a "Pū'olo waimaka a ke aloha" ('Ōlelo No'eau, 683, 2750).

Ua pi'i a'e 'o Nalukea i ke kuahiwi. Ua hele 'o ia mai Nu'alolo Kai aku a i luna o ka 'āina 'o Nu'alolo. Ikaika loa 'o ia i ko kāna kumu mau hua 'ōlelo. 'A'ole i hiki iā Nalukea ke hīmeni me ka maika'i. Akā, ua hīmeni na'e 'o ia. Ua lohe 'ia ko Nalukea leo e ka manu 'ō'ō. Maopopo ka 'ōlelo 'ō'ō iā Nalukea. No laila, ha'i aku 'o ia i ka manu 'ō'ō i kona kūlana pōpilikia. 'O kā ka 'ō'ō ha'ina, "Ka nīoi aki ia e welawela ai ko nuku" ('Ōlelo No'eau, 1500).

Ua hele wāwae mamao 'o ia i loko o ke awāwa 'o 'Awa'awapuhi. Ua loa'a ka 'awapuhi iā ia a ua 'au'au 'o ia. 'Oi aku ka 'awapuhi ma mua o ka wai holoi lauoho. No laila, 'au'au 'o ia i ka wailele. Kupaianaha 'o Nalukea i ka wai anu. Ua kipa 'ia 'o ia e ka menehune wahine makamae. Ua maopopo ka 'ōlelo menehune wahine iā ia. No laila, ha'i aku 'o ia i ka menehune wahine i kona ola aloha. 'O kā ka menehune wahine ha'ina, "'O ka mea ua hala, ua hala ia" ('Ōlelo No'eau, 2428).

Ma hope, ua hō'eo 'o ia i Honopū. Ua kaulana 'o Honopū i ke ana. Ua loa'a nā pūpū Ni'ihau iā Nalukea. Hiki nō iā ia ke kui i ka lei pūpū. Ua 'ike 'o ia i kāna kumu 'ōlelo Hawai'i, 'o Kahikina, i uka o ke kahakai. Na Kahikina ka lei pūpū. Ua maopopo ka 'ōlelo Hawai'i iā Nalukea. No laila, ha'i aku 'o ia i kāna kumu i kona kūlana pōpilikia. 'O kā kāna kumu 'ōlelo Hawai'i ha'ina, "Ka limu kā kanaka o Manu'akepa" ('Ōlelo No'eau, 1442).

I kēia manawa, ua 'au 'o Nalukea i Kalalau. Aia 'o Kalalau i hope o Honopū. Nani loa 'o Kalalau i ke awāwa nui 'ino. Ua inu iho 'o ia i ka wai anu mai ka wailele. Ua 'ai 'o ia i ka mai'a. Wela loa 'o ia i ka lā 'alohi. No laila, ua pā'ani 'o ia i ke kai mālie me nā nai'a. Ua maopopo ka 'ōlelo nai'a. Ua ha'i aku 'o ia i nā nai'a i kona ola aloha. 'O kā nā nai'a ha'ina, "I nanea nō ka holo o ka wa'a i ke akamai o ke kū hoe" ('Ōlelo No'eau, 1240). Ua 'aka'aka lākou.

'A'ole 'o ia māluhiluhi. No laila, ka'ahele aku 'o ia i Hanakapī'ai. Ua hele pū mai 'o Keoni lāua 'o Nalukea i kēia wahi kūikawā. Mana'o 'o ia, 'oi aku ka ho'oipoipo 'ana ma mua o ka hakakā 'ana. Nui ko lāua ho'omana'o pū 'ana. Ua loa'a kāna ipo iā ia, akā 'a'ole maopopo iā ia ke aloha. Ua ka'a kāna huaka'i ma hope, a ua noho 'o ia i luna o ka pōhaku nui. Mana'o hou 'o Nalukea, "He 'ai kuli ke aloha mai nā kūpuna mai" ('Ōlelo No'eau, 517). 'O kāna ha'ina, "Wae aku i ka lani" ('Ōlelo No'eau, 2894).


Wahi a ka haku mo'olelo i hikapiliolana ai: Aloha mai kākou. 'O Nalukea Cole-Conner ko'u inoa. No Kalāheo mai au i ka mokupuni o Kaua'i. Hele au i ke Kulanui o Hawai'i i Mānoa. E noho ana au i ka hale noho haumāna 'o Hale Kahawai. Pili kēia mo'olelo pōkole i ko'u wahi punahele, 'o Nā Pali i ka mokupuni o Kaua'i. Nanea 'o Nā Pali i ka 'ikena nani loa. 'Oi aku ka 'āina o Na Pali ma mua o nā 'āina 'ē a'e. 'O Keoni ku'u ipo. He kanaka kinai ahi 'o ia i PMRF i Mānā. Ua lawe mua 'ia au e ku'u ipo i Nā Pali. Maika'i loa māua i ke aloha!