Hopena (Ka) o ka Moloā

Author: 
Kāhealani Walsh

 

I ‘ola‘olā nō ka huewai i ka piha ‘ole.
The water gourd gurgles when not filled full.

A person not very well informed talks more than one who is.

-- Mary Kawena Pukui, 'Ōlelo No'eau, 1247.
 
 

A nui mai ke kai o Waialua, moe pupu‘u ‘o Kalena i Hale‘au‘au.
When the sea is rough at Waialua, Kalena curls up to sleep in Hale'au'au.

Applied to a person who prefers to sleep instead of doing chores. A play on lena (lazy), in Kalena, who was a fisherman, and hale (house) in Hale'au'au.

-- ‘Ōlelo No'eau 121.

I kekahi lā, aia ke kūlanakauhale li‘ili‘i i Hawai‘i. ‘A‘ole nui nā po‘e e noho ana i laila. Nani a ‘olu‘olu kēlā me kēia kānaka. Hau‘oli loa lākou a makemake lākou e kōkua kekahi i kekahi. Maopopo ke ola iā lākou a ua komo mau mai nā kānaka ‘ē.

I kekahi makahiki, ua hele mai ka malihini i ke kūlanakauhale a kaumaha loa ‘o ia, lepo a pōloli loa ‘o ia. ‘O Kainoa ka inoa o ke kāne a hilahila loa ‘o ia. Ua hānai ‘ia ‘o Kainoa e nā kānaka, akā ‘a‘ole ‘o ia i mahalo i ka mea i loa‘a.

Hau‘oli loa ka po‘e i ke komo ‘ana mai o Kainoa no ka mea makemake lākou e kōkua, akā makemake nō ho‘i lākou e hana ‘o Kainoa. Moloā na‘e ‘o ia.

Makemake nō ‘o ia e hiamoe, e wala‘au, a e ‘ai. Ua ‘ōlelo ‘o ia, "‘A‘ole hiki ia‘u ke hana no ka mea nāwaliwali a ‘o‘opa au. E kala mai." Hilina‘i nā kānaka iā ia no laila loa‘a ka mea‘ai iā ia a lawelawe ‘ia ‘o ia i kēlā me kēia lā.

I kekahi lā, ua ‘ike kekahi kanaka iā ia e ho‘oipoipo ana me kekahi wahine ma loko o kona lumi! ‘A‘ole ‘o ia nāwaliwali; ikaika loa kona kino! Huhū loa kona mau hoaaloha. Ma hope o kēia, ‘a‘ole makemake ho‘okahi kanaka e kōkua iā ia. "Hiki nō," mana‘o ‘o Kainoa…

Ua hō‘alo ‘ia ‘o ia e nā kānaka a pau loa, akā ‘a‘ole nānā ‘o Kainoa, no laila hiamoe ‘o ia i ka lā a pau a i ‘ole wala‘au ‘o ia i kekahi mau wāhine. Ua ‘ōlelo ka po‘e i ke kūlanakauhale: “I ‘ola‘olā nō ka huewai i ka piha ‘ole.” ('Ōlelo No'eau, 1247.)

Ma hope aku o kēlā makahiki, ho'omākaukau ka po'e no ke kau ho'oilo. 'Oi aku ka hana 'ana ma mua o ka moloā. Loa'a ka mea'ai iā lākou a mākaukau hau'oli lākou no ke kau ho'oilo. 'A'ole hiki ke maopopo iā Kainoa ka pīhoihoi o nā kānaka, no laila 'a'ole 'o ia nānā no ka mea makemake wale 'o ia e pā'ina. I ke kau ho'oilo, anuanu a pōloli loa 'o Kainoa. 'A'ohe ona hoaaloha, no laila kaumaha loa o 'ia a mihi 'o ia i ka hala...

I kēlā manawa, 'ane'ane make 'o Kainoa, a ua mana'o 'o ia, "Inā ola au, e loli ana au!"

Ma ka lā anu, makemake 'o Kainoa e make a 'ōlelo 'o ia i ke akua, "E ola au e ke akua." Ua pani i kona mau maka a me kēia mau hua'ōlelo, ua ho'ōla 'ia 'o ia e kekahi luahine.

Ma hope o ho'okahi pule, ua ala 'o ia i ka hale o ka luahine lokomaika'i, a mino'aka 'o Kainoa. "Mahalo nui loa, e ka wahine. E kala mai ia'u no ko'u hala." 'A'ole wala'au ka luahine no laila hiamoe hou 'o Kainoa.

A ala hou 'o ia, ua nalowale ka wahine. Kaumaha loa 'o ia akā nui kona mahalo.

Ma hope o kēia mau hana, he kanaka hou 'o Kainoa. Hau'oli a 'olu'olu i kēia manawa. Makemake kēlā me kēia kānaka iā ia. Nui nā hoaaloha a me ka 'ohana o Kainoa. He hale kona a he wahine kāna, a 'ekolu āna keiki. He ola maika'i kona. A nui mai ke kai o Waialua, moe pupu'u o Kalena o Hale'au'au. ('Ōlelo No'eau, 121.)

© Kāhealani Walsh, 2004