Ho‘iho‘i (Ka) Lole Wāwae ‘Ana

Author: 
Kanoelani Chang

Ho‘i i Waolani i kāhi o ka ‘e‘epa.
Go to Waolani where the supernatural beings dwell.

Said to one who can't be fathomed. It is the equivalent of "Go and join your peculiar kind of people." Waolani, in Nu‘uanu, O‘ahu, was once the home of gods, menehune, Nāwā (Noisy beings), Nā(Silent beings), and all manner of disgruntled, misshapen, and joyous characters who were grouped under the term ‘e‘epa.

-- Mary Kawena Pukui, 'Ōlelo No'eau, 1033.

 

 

 

I ka wā kahiko, i ke awaawa 'o Nu'uanu, ma ka mokupuni 'o O'ahu, ua noho ihola kekahi 'ohana menehune. 'Elima keiki o kēlā 'ohana akā, ho'okahi wale nō ona keiki kāne. 'O 'Auli'i kona inoa. 'O ke keiki muli loa 'o ia akā hana 'ino mau 'o ia i nā pilikia he nui! No ka mea, kolohe loa 'o ia i ka nānā 'ana o kona mau kaikuāhine. Makemake lākou e hele i ka nahele e 'imi i nā 'unahe. Ha'i mau ko lākou mau mākua, "'A'ole pono lākou e 'auana i ka nahele no ka mea 'a'ole maopopo ka mea o loko iā lākou." Akā, 'a‘ole lākou ho'olohe pono a ua hele hou i kēlā me kēia lā.

I kekahi lā, ua pe'e 'o 'Auli'i ma hope o kekahi kumu lā'au koa a ua ho'olohe wale nō 'o ia i ke kama'ilio 'ana o kona mau kaikuāhine.

"E ku'u mau tita, makemake au e hō'ike i kekahi mea iā 'oukou. I nehinei, ua waiho 'ia kēia ma lalo o ka wailele i uka o ko ko'u 'ohana hale."

Wahi a kekahi kaikuahine 'ē a'e, "Auē! 'A'ole hiki iā 'oe ke 'aihue i nā mea e waiho 'ia ana!"

"Pēlā paha... akā 'a'ole paha waiho 'ia! Poina wale nō ia!"

I kēlā manawa, ho'omaka ka ua he nui a ua ho'i lākou i ko lākou hale. Mana'o 'o 'Auli'i, makemake au e 'ike i ka mea e hō'ike 'ia ana. No laila, i kēlā aumoe, ua komo 'o ia i ko kona mau kaikuāhine lumi a loa'a kēlā mea iā ia. He lole wāwae selamoku ia. Mana'o 'o 'Auli'i, he aha kēia 'ano lole? 'A'ole loa'a kēia 'ano lole i nā menehune. A maopopo koke iā ia, he lole kanaka ia!

I ia lā a'e, ua holo 'o 'Auli'i ma kai e ho'iho'i i ka lole wāwae selamoku. Maopopo ka maka'u o kēia hana iā ia akā, i kona mana'o, he hana pono kēia.

I kona hiki 'ana mai i kai, 'a'ole 'o ia i 'ike i ka po'e sela. Aia kona mau moku nui i ke awa, akā 'a'ohe kanaka i laila. Mana'o 'o 'Auli'i, "E noho ana au i 'ane'i e kali. No kekahi kanaka sela kēia lole wāwae." Ua hala ka manawa pōkole, hiamoe koke 'o ia ma mua o ka moku sela.

I kona hiamoe 'ana, ua hele maila kekahi mau keiki haole. Ua nānā lākou iā 'Auli'i e hiamoe ana a wahi a kekahi ma ka 'ōlelo haole, "What's that?" Ho'āla 'ia 'o 'Auli'i e ka 'ōlelo o ke keiki. Pīhoihoi nā keiki iā 'Auli'i a ua holo 'āwīwī akula lākou. Kū ho'okahi 'o 'Auli'i e hāpai ana i ka lole wāwae selamoku. 'A'ole hiki ke maopopo ke kumu o ko lākou holo 'ana aku iā ia. Makemake wale 'o ia e ho'iho'i i ka lole wāwae. 'Akahi nō a pau kona mana'o 'ana, a hiki maila kekahi 'uhane mai ka lewa mai a wahi a ka 'uhane, "'A'ole pono 'oe e kū i 'ane'i no ka mea nui nā kānaka haole o kēia mau moku. Maopopo ia'u ke kumu o kou hele 'ana mai akā 'a'ole maopopo iā lākou. Mana'o lākou he kiapolō 'oe! Ho'i i Waolani i kahi o ka 'e'epa. ('Ōlelo No'eau, 1033) No laila, ho'i akula 'o 'Auli'i e ha'i i ka mo'olelo e pili ana i kona hana wiwo'ole.

© Kanoelani Chang, 2004